Bugun, 2 mart kuni Ramazon oyi munosabati bilan xayr-saxovat ishlari uyushtirildi. 

Muhtaram Prezidentimizning "Muborak Ramazon oyini munosib tarzda o‘tkazish to‘g‘risida"gi qaroriga binoan bu yilgi qutlug‘ oy "Ramazon - saxovat, birdamlik va bag‘rikenglik oyi" shiori ostida o‘tkazilyapti. 

Namangan viloyati hokimligi hamda Namangan viloyati bosh imom-xatib Musoxon domla Abbosiddinov boshchiligida Davlatabod tumanida nogiron, boquvchisini yo‘qotgan, kam ta’minlangan,  ijtimoiy himoyaga muhtoj o‘zga din vakillariga muruvvat ko‘rsatildi.

Davlatabod tumanida yashayotgan rus, koreys, o‘zbek va tatar millatiga mansub muhtoj kishilar holidan xabar olindi

Zotan, Payg‘ambarimiz Muhammad sollallohu alahyi va sallam ham bag‘rikenglik tamoyiliga amal qilganlar. U zot o‘zga yurt va din vakillari, ya’ni Habashistondan kelgan nasroniy mehmonlarni masjidlariga taklif qilib: “Ular bizning do‘stlarimizni hurmat qilgan edilar. Men ham ularni izzat-ikrom qilishni xush ko‘raman”, deb shaxsan o‘zlari ularga xizmat qilganlari tarixdan ma’lum. Bu xayrli ishlar Islomning naqadar bag‘rikeng din ekanini ko‘rsatadi.

O‘zbekiston musulmonlari idorasi

Namangan viloyati vakilligi Matbuot xizmati