Samarqand viloyatida Din ishlari bo‘yicha qo‘mita huzuridagi Institut tomonidan tashkil etilgan o‘quv kurslari o‘z yakuniga yetdi.

2026 yil 25 aprel kuni bo‘lib o‘tgan mashg‘ulotlarda asosiy e’tibor islom qadriyatlari, diniy geosiyosat tahlili, ayollarga xos fiqhiy masalalar hamda radikallashuvning oldini olish mexanizmlariga qaratildi.

Institut o‘qituvchilari va Imom Buxoriy xalqaro markazi xodimlari tomonidan olib borilgan treninglar ochiq muloqot shaklida o‘tdi.

Tinglovchilar nafaqat nazariy bilimlarini mustahkamladilar, balki hududlardagi ijtimoiy-diniy muammolar yuzasidan mutaxassislardan yechimlar oldilar.

O‘quvlar yakunida ishtirokchilar bilan yakuniy suhbatlar o‘tkazildi. 

Sammuslim.uz