Sayt test holatida ishlamoqda!
15 Iyul, 2025   |   20 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:22
Quyosh
05:03
Peshin
12:34
Asr
17:40
Shom
19:59
Xufton
21:32
Bismillah
15 Iyul, 2025, 20 Muharram, 1447
Avvalgi sayt
#search
 YouTube
Maqolalar

Bu yilgi Qadr kechasi qaysi kunlarga to‘g‘ri keladi?

20.03.2025   9457   1 min.
Bu yilgi Qadr kechasi qaysi kunlarga to‘g‘ri keladi?

Rasululloh sollallohu alayhi vasallam: “Laylatul qadrni Ramazonning oxirgi o‘n kechasining toq (kecha)laridan izlanglar”, deganlar (Imom Buxoriy rivoyati).


Qadr kechasining 1 soniyasi 23 soatdan afzal

1 daqiqasi 58 kundan afzal
1 soati 9 yilu 8 oydan afzal
1 kechasi 83 yilu 3 oydan afzal


Oisha onamiz roziyallohu anho aytadilar: “Nabiy sollallohu alayhi vasallam (oxirgi) o‘n kunlik kirib kelsa belbog‘larini mahkam bog‘lardilar, kechalarini tiriltirar va ahllarini uyg‘otardilar” (Imom Buxoriy rivoyati).


Bu yilgi ramazon oyining oxirgi toq kechalari:

21 kecha: 20 mart (payshanba)dan — 21 mart (juma)ga o‘tar kechasi;

23 kecha: 22 mart (shanba)dan — 23 mart (yakshanba)ga o‘tar kechasi;

25 kecha: 24 mart (dushanba)dan — 25 mart (seshanba)ga o‘tar kechasi;

27 kecha: 26 mart (chorshanba)dan — 27 mart (payshanba)ga o‘tar kechasi;

29 kecha: 28 mart (juma)dan — 29 mart (shanba)ga o‘tar kechasi.


Shunday ekan, ramazon oyining oxirgi 10 kunligida ko‘proq

- zikr va duo qiling;

- Qur’on tilovat qiling;

- nafl namozlarni ko‘paytiring;

- zakotingizni bering.

- Alloh taoloning mag‘firati va rahmatini so‘rang.

- har kuni xayr-ehson va sadaqa qiling;

- fitr sadaqasini bering!


Allohim barcha mo‘minlarga Ramazonning oxirgi o‘n kunligida Seni rozi qiladigan amallarni qilishga muvaffaq ayla va solih amallarimizni qabul et!

Davron NURMUHAMMAD

 

Ramazon
#logo
Boshqa maqolalar

Men qabrimga ketaman...

11.07.2025   5074   2 min.
Men qabrimga ketaman...

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Hazrat Tahonaviy rahmatullohi alayhmurid va yaqinlariga «safar qilsangiz va yukingiz sizga bepul olib ketishingizga ruxsat bergan miqdordan ortiq bo‘lsa, albatta, ortiqcha yukning haqqini ado eting va keyin safar qiling», deya ko‘rsatma berar edilar.

Bir kuni u kishi safar qilish uchun vokzalga yetib keldilar. Poyezd kelishiga yaqin qolgan edi. Hazrat yuklarini olib, yuklar tortiladigan joyga yetib keldilar va navbatga turdilar. Tasodifan poyezdda birga ketadigan konduktor u yerga keldi va hazratni tanib qoldi. Darhol: «Hazrat, siz bu yerda nega turibsiz?» deb so‘radi.

Hazrat: «Yukimni torttirish uchun kelganman», dedilar.

Konduktor: «Sizga yukingizni torttirishga zarurat yo‘q. Hech qanday muammo bo‘lmaydi. Men siz bilan birga poyezdda ketaman. Ortiqcha yuk uchun haq to‘lashingiz shart emas», dedi.

Hazrat: «Siz men bilan birga qayergacha borasiz?» deb so‘radilar.

Konduktor: «Falon bekatgacha boraman», dedi.

Hazrat: «Keyin u yog‘iga nima bo‘ladi?» deb so‘radilar. Konduktor: «U bekatda boshqa konduktor keladi. Men unga bu hazratning yuklari, deb aytib qo‘yaman», dedi.

Hazrat: «U konduktor men bilan birga qayergacha boradi?» deb so‘radilar.

Konduktor: «U uzoqqa ketadi. Undan ancha oldin sizning bekatingiz keladi», dedi.

Hazrat: «Yo‘q, men ancha uzoqqa ketaman, oxirat tarafga ketaman, qabrimga ketaman. Qaysi konduktor men bilan birga ketadi?» dedilar. Keyin: «Oxiratda mendan bir davlatga oid poyezdda yukning haqqini ado qilmay qilgan safaring va o‘g‘irliging hisobini ber degan talab bo‘lsa, u yerda qaysi konduktor menga yordam bera oladi?!» dedilar.

«Nasihatlar guldastasi» kitobidan