O‘zbekiston taraqqiyotining yangi davrida vijdon va e’tiqod erkinligini ta’minlash, diniy-ma’rifiy sohada keng ko‘lamli islohotlar amalga oshirish borasida tizimli ishlar amalga oshirilmoqda. Ayniqsa, “Haj” va “Umra” safarlarini tashkil etish va ziyoratchilarga qulay sharoitlar hozirlash sifat jihatidan yangi bosqichga ko‘tarildi.
Xabar berganimizdek, mamlakatimizda haj mavsumi joriy yil 13 may kunidan boshlandi. (https://t.me/muslimuzportal/41370)Ayni kunlarda Madinai munavvarada ibodatlarini nihoyasiga yetkazgan yurtdoshlarimiz birin-ketin Makka shahriga yo‘l olmoqdalar.
17 may kuni navbatdagi ziyoratchilar Makkai mukarramaga shinam avtobuslarda yetib keldi. Bo‘lg‘usi hojilarga muqaddas shahardagi “Abroj Dana” va "Vafaq al-Saha" mehmonxonalarida zam-zam suvlari, xurmo, shirinliklar, gullar va hadyalar ulashilib, izzat-ikrom qilindi.
Mana shunday iltifotlardan ko‘ngillari ko‘tarilgan yurtdoshlarimiz Alloh taologa cheksiz shukronalar aytib, ularga bo‘lgan katta ehtirom va e’tiborni nafaqat mamlakatimizda, balki olis Makka shahrida ham chin dildan his etishdi.
Shu kunlarda ushbu muqaddas shaharda toat-ibodatlarini ado etayotgan yurtdoshlarimiz har qadamda davlatimizning g‘amxo‘rligini his qilib, o‘z duolarida yuritimizga tinchlik, xalqimizga farovonlik tilamoqdalar.
O‘zbekiston musulmonlari idorasi Matbuot xizmati
Bismillahir Rohmanir Rohiym
Varshavada muborak Ramazon oyiga bag‘ishlangan vatandoshlar uchrashuvi bo‘lib o‘tdi
O‘zbekiston elchixonasi O‘zbekiston musulmonlari idorasi vakillari bilan birgalikda Varshavada mamlakatimiz vatandoshlari uchun ma’naviy-ma’rifiy uchrashuv tashkil etdi, deb xabar beradi “Dunyo” axborot agentligi.
Mazkur tadbirda Polshada istiqomat qiluvchi va tahsil olayotgan vatandoshlar ishtirok etdi.
Ishtirokchilar muborak Ramazon oyining inson hayotidagi ahamiyati, shuningdek, minnatdorchilik, sabr-toqat, bag‘rikenglik va o‘zaro hurmat kabi fazilatlarning ahamiyati haqida fikr almashdilar.
Bundan tashqari, vatandoshlar ushbu muborak kunlarda o‘zlariga ko‘rsatilgan e’tibor va g‘amxo‘rlik uchun samimiy minnatdorchilik bildirishdi va eng yaxshi ezgu tilaklarini muhtaram Yurtboshimiz va barcha O‘zbekiston xalqiga yetkazishni so‘rashdi.
Ushbu uchrashuvning vatandoshlar o‘rtasida birdamlikni mustahkamlashga va milliy va ma’naviy qadriyatlarni asrashga hissasini qo‘shishligi ta’kidlandi.
I.Ahmedov tayyorladi.