Samarqand viloyatida imom-xatib va imom-noiblar o‘rtasida sog‘lom turmush tarzini targ‘ib etish va hamjihatlikni mustahkamlash maqsadida voleybol, shaxmat-shashka hamda stol tennisi bo‘yicha viloyat bosqichi musobaqalari o‘tkazildi.
Tadbirda Samarqand viloyati bosh imom-xatibi o‘rinbosarlari Xayrullo domla Sattarov, Nursultonxon domla Abdumannonov, viloyat hokimi o‘rinbosari B. Karimov, shahar va tuman bosh imom-xatiblari hamda jamoatchilik vakillari ishtirok etdi.
Qizg‘in, biroq o‘zaro hurmat va axloq qoidalariga rioya qilingan holda o‘tgan bahslar yakuniga ko‘ra g‘olib va sovrindorlar quyidagicha aniqlandi:
Voleybol bo‘yicha:
1-o‘rin — Kattaqo‘rg‘on tumani jamoasi
2-o‘rin — Payariq tumani jamoasi
3-o‘rin — Bulung‘ur tumani jamoasi
Shaxmat bo‘yicha:
1-o‘rin — Doniyev Qulmurod (Paxtachi tumani “Xo‘ja Ziyovuddin” jome masjidi imom-noibi)
2-o‘rin — Elmurodov Muzrob (Narpay tumani “Xo‘ja Qo‘rg‘on” jome masjidi imom-xatibi)
3-o‘rin — Maxmatoirov Bahrullo (Urgut tumani “Hoji O‘rinboy” jome masjidi imom-xatibi)
Stol tennisi bo‘yicha:
1-o‘rin — Matlabov Muhammad Bobur (Urgut tumani “Ispanza” jome masjidi imom-noibi)
2-o‘rin — Abrorov Jahongirxon (Samarqand shahar “Xo‘ja Safoyi Valiy” jome masjidi imom-noibi)
3-o‘rin — Xodixonov Kamoliddin (Qo‘shrabot tumani “Ne’matulla xo‘ja” jome masjidi imom-xatibi)
Musobaqa yakunida g‘olib va sovrindorlar tashkilotchilar tomonidan esdalik sovg‘alari bilan taqdirlandi.
Ushbu tadbir diniy xodimlar o‘rtasida nafaqat jismoniy baquvvatlikni, balki sabr, intizom, birodarlik va o‘zaro hurmat kabi islomiy fazilatlarni mustahkamlashga xizmat qildi.
Sammuslim.uz
#Xushxabar
O‘zbekiston Respublikasi Oliy ta’lim, fan va innovatsiyalar vazirligi kengashi qaroriga ko‘ra, Toshkent shahridagi Novza jome masjidi imom-xatibi Jaloliddin domla Hamroqulov «Ijtimoiy-ma’naviy tarbiya nazariyasi» ixtisosligi bo‘yicha faxriy professor ilmiy unvoni bilan taqdirlandi.
Ustozning dinimiz sof ta’limotini targ‘ib etish, yosh avlodni ma’naviy barkamol etib tarbiyalash hamda ilmiy-ma’rifiy faoliyatdagi ko‘p yillik xizmatlari yuksak e’tirof etildi.
Alloh taolo Jaloliddin domlaga ushbu unvonni muborak aylab, ilmiy va ma’rifiy ishlarida baraka, sog‘lik va muvaffaqiyat ato etsin.
O‘zbekiston musulmonlari idorasi
Matbuot xizmati