Shu maqsadda “Qur’on va tajvidni o‘rgatish” bo‘limi tomonidan o‘qituvchi va mas’ul xodimlar uchun mahorat oshirishga qaratilgan turkum onlayn darslar tashkil etilgan edi. Joriy yilning 28 yanvar kuni mazkur silsilaviy darslarning navbatdagi mashg‘uloti bo‘lib o‘tdi.
Zoom platformasi orqali tashkil etilgan mashg‘ulotda O‘zbekiston musulmonlari idorasi raisi o‘rinbosari Muhammadolim domla Muhammadsiddiqov hamda Din ishlari bo‘yicha qo‘mita mas’ul xodimi Elyor Alimqulov ishtirok etdilar. Ular soha mutaxassislariga ta’lim sifatini oshirish va ish jarayonini to‘g‘ri tashkil etish bo‘yicha zarur tavsiyalar berdilar.
Darsning asosiy qismida bo‘lim boshlig‘i Shayx Alijon qori Fayzulloh Maxdum “Qur’oni karim shafoati” kitobi asosida ilmiy ma’ruza qildi. Ta’kidlash joizki, kelgusida darslarda faol ishtirok etgan va bilimlarini muvaffaqiyatli namoyish qilgan tinglovchilarga ushbu kitob bo‘yicha maxsus ijoza berilishi rejalashtirilgan.
AlQuranuz
O‘zbekiston musulmonlari idorasi xotin-qizlar bo‘limi tomonidan otinoyilar ishtirokida “ZOOM” platformasi orqali o‘quv seminarlari o‘tkazish yo‘lga qo‘yildi. Bunda aqida, fikh, siyrat, hadis, mavlid va janoza masalalari to‘g‘risida tushunchalar berib boriladi.
Bugun, 29 yanvar kuni tizimda faoliyat olib borayotgan otinoyilar uchun Aqida va fikh fanlari doirasida o‘quvlar boshlandi. Ikki mingdan ziyod tinglovchi qatnashgan, “Islom shariatida poklik masalalari” deb nomlangan ilk mashg‘ulotni "Xadichai Kubro" ayol-qizlar o‘rta maxsus islom ta’lim muassasasi katta o‘qituvchisi Odinaxon Muhammad Yusuf o‘tkazdi.
O‘quv mashg‘ulotlarini Fatvo markazi mutaxassislari, “Imom Buxoriy” nomidagi Toshkent islom instituti va "Xadichai Kubro" ayol-qizlar o‘rta maxsus islom ta’lim muassasasi katta o‘qituvchilari olib borishi rejalashtirilgan.
O‘zbekiston musulmonlari idorasi
Matbuot xizmati