O‘zbekiston musulmonlari idorasi raisi, muftiy Shayx Nuriddin Xoliqnazar hazratlari tashabbusi bilan Ramazon oyida o‘tkaziladigan Xatmi Qur’on tadbirlarida ishtirok etadigan qorilarni suhbatdan o‘tkazish an’anasi yo‘lga qo‘yildi.
Mazkur an’anani davom ettirish maqsadida 2026/1447-hijriy yil Ramazon oyida respublikamiz bo‘ylab o‘tkaziladigan Xatmi Qur’on tadbirlarida qatnashadigan qorilarni saralash uchun barcha viloyat vakilliklarida suhbatlar tashkil etish rejalashtirilgan.
Jumladan, bugun — 2026 yil 2 fevral kuni Toshkent viloyati, Andijon, Jizzax, Qashqadaryo va Surxondaryo viloyatlaridagi masjidlarda xatm o‘qiydigan qorilar ishtirokida suhbatlar bo‘lib o‘tdi.
Suhbat davomida ustoz qorilardan iborat hay’at tomonidan ishtirokchilarning Ramazon oyiga tayyorgarlik darajasi sinovdan o‘tkazilib, ularga zarur tavsiyalar berildi.
Al-Quran.uz
Bugun, 2 fevral kuni “Qur’on va tajvidni o‘rgatish” bo‘limida mazkur mutaxassislar uchun azon va iqoma bo‘yicha navbatdagi amaliy mashg‘ulot bo‘lib o‘tdi.
Mashg‘ulotlar bo‘lim boshlig‘i Shayx Alijon qori Fayzulloh Maxdum tomonidan olib borilmoqda.
Bugungi darslarda Toshkent Islom instituti qoshidagi “Qur’oni karim va tajvid” o‘quv kurslari filiallari o‘qituvchilari hamda mazkur ta’lim dargohlari ustozlari ishtirok etdilar.
Dars davomida har bir tinglovchining azon va iqoma borasidagi mahorati yakka tartibda tinglanib, zarur tavsiyalar berildi. Mashg‘ulotlar yakunida tinglovchilarga azon va iqoma bo‘yicha ijoza guvohnomalari topshirilishi rejalashtirilgan.
O‘zbekiston musulmonlari idorasi
Matbuot xizmati