O‘zbekistonda faoliyat yuritayotgan xorijlik ustoz sifatida shuni alohida ta’kidlashni istardimki, keyingi yillarda mamlakatingizda barcha sohalar qatori ma’naviy-ma’rifiy hayotda ham keng qamrovli islohotlar amalga oshirilmoqda. Ayniqsa, diniy-ma’rifiy sohani tizimli rivojlantirish, aholiga qulay sharoitlar yaratish va inson qadrini yuksaltirishga qaratilgan sa’y-harakatlar yuksak e’tirofga loyiq.
Jumladan, muqaddas Ramazon oyini munosib kutib olish va uni yuqori saviyada o‘tkazish, ehtiyojmand aholini qo‘llab-quvvatlash, xayriya va iftorlik tadbirlarini keng yo‘lga qo‘yish borasida olib borilayotgan ishlar jamiyatda mehr-oqibat va hamjihatlik muhitini yanada mustahkamlamoqda. Bu kabi ezgu tashabbuslar davlat va jamiyat hamkorligining amaliy ifodasi sifatida namoyon bo‘lmoqda.
Shu bilan birga, diniy ta’limni takomillashtirish, masjidlar faoliyatini qo‘llab-quvvatlash, soha xodimlarining malakasini oshirish hamda ma’rifiy targ‘ibotni zamonaviy yondashuvlar asosida tashkil etish borasidagi islohotlar o‘zining ijobiy samarasini bermoqda.
Kuzatuvchi sifatida aytish mumkinki, mazkur izchil islohotlar yurtda bag‘rikenglik, o‘zaro hurmat va ijtimoiy barqarorlik muhitini yanada mustahkamlashga xizmat qilmoqda. Bu esa O‘zbekistonning ma’naviy taraqqiyot yo‘lida qat’iy va puxta qadamlar bilan ilgarilayotganini yaqqol namoyon etadi.
Doktor Abdulloh Muhammad,
Hadis ilmi maktabi o‘qituvchisi
O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Imom Termiziy nomidagi islom instituti va ta’lim muassasalari faoliyati bilan tanishdi
Shu yil 27 fevral kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Imom Termiziy nomidagi islom instituti, “Imom Termiziy” o‘rta maxsus islom ta’lim muassasasi hamda Imom Termiziy xalqaro ilmiy-tadqiqot markazida bo‘ldilar.
Tanishuv asnosida Muftiy hazratlari yangi barpo etilayotgan institut va madrasa binolarining qurilish jarayoni, zamonaviy o‘quv xonalari, ma’ruza zallari, kutubxona, yotoqxona va ma’naviy-ma’rifiy tadbirlar o‘tkazishga mo‘ljallangan maskan loyihasi bilan tanishdi.
Qurilish ishlari ko‘zdan kechirilib, mas’ullarga barpo etilayotgan inshootlarda puxtalik, zamonaviylik va qulaylik tamoyillariga qat’iy rioya etish bo‘yicha tegishli tavsiya va ko‘rsatmalar berildi.
“Imom Termiziy” ta’lim muassasasi
Matbuot xizmati