Bismillahir Rohmanir Rohiym
Dunyoda hech narsa abadiy emas,
Sizga yetgan zarar-da ko‘p qololmas.
Hayotingizga yaxshilik umidi bilan boqing. Chunki hayot Allohning sizga bergan hadyasi, ushbu ulug‘ hadyani xursandchilik ila qabul qiling. Porloq tongni go‘zal tabassumi, tunni sokinligi, kunduzni buyukligi va ziyosi bilan qarshi oling. Toza suvdan shukr qilib foydalaning, havodan surur ila nafas oling, gulni tasbeh aytib hidlang va koinot haqida tafakkur qiling.
Atrofingizdagi go‘zallikni gullar bog‘lamida, atirgulning chiroyi, shabada esishi, bog‘larning xushbo‘y isi, quyoshning iliqligi va to‘lin oyning ziyosidan topa oling. Ushbu ne’mat va tortiqlarni Allohga ibodat etishda o‘zingizga quvvat zahirasi qiling, U Zotga shukr qilib, hamdu sano ayting.
Sizni tushkunlikning qo‘rqinchli tushlari va g‘am-tashvish qo‘shinlari ushbu ne’matlarni ko‘rishdan to‘sib qolishi, so‘ngra siz ne’matlarni inkor etadigan bo‘lib qolishingizdan saqlaning. Shuni bilingki, bandalarga rizq beruvchi Zot ushbu ne’matlarni Uning toatiga quvvat olishga sarflash uchun yaratgan. U zot aytadi:
﴿يَا أَيُّهَا الرُّسُلُ كُلُوا مِنَ الطَّيِّبَاتِ وَاعْمَلُوا صَالِحًا إِنِّي بِمَا تَعْمَلُونَ عَلِيمٌ﴾
“Ey Payg‘ambarlar! Pok narsalardan yenglar va solih amallar qilinglar. Albatta, Men nima amal qilayotganingizni o‘ta bilguvchiman” (Mo‘minun surasi, 51-oyat).
Shu’la: Saxiylikning eng pok va eng afzali hech narsaga ega bo‘lmagan, lekin tabbasum va shirin so‘zning qadriga boradiganlarda bo‘ladi. Qanchadan-qancha qancha insonlar infoq-ehson qilishadi, lekin ularning qilgan yaxshiliklari xuddi yuzga urgandek bo‘ladi.
Doktor Oiz al-Qarniyning
"Dunyodagi eng baxtli ayol" kitobidan
O‘zbekistonda ushbu sana munosabati bilan an’anaviy ravishda “Bag‘rikenglik haftaligi” o‘tkaziladi.
O‘zA xabariga ko‘ra, haftalik tadbirlari doirasida bugun O‘zbekiston Respublikasi Millatlararo munosabatlar va xorijdagi vatandoshlar masalalari bo‘yicha qo‘mitasi va bir qancha tashkilotlar vakillari “Yangi O‘zbekiston” bog‘ida Mustaqillik monumenti poyiga gulchambar qo‘yib, xalqimizning ozodlik yo‘lidagi jasoratiga ehtirom bildirdi.
So‘ng “Yashil makon” umummilliy loyihasi doirasida daraxt ko‘chatlari ekildi. Ko‘chat ekish tadbiri turli millat vakillarini atrof-muhitni asrash va yashil hududlarni kengaytirishdek umumiy maqsad yo‘lida birlashtirdi.
Shuningdek, haftalik doirasida “Diniy bag‘rikenglik” ko‘krak nishonini topshirish marosimi ham bo‘lib o‘tdi. Din ishlari bo‘yicha qo‘mitada bir guruh yurtdoshlarimiz “Diniy bag‘rikenglik” ko‘krak nishoni bilan taqdirlandi.
Tadbirda vazirlik va idoralar, jamoat tashkilotlari, diniy konfessiyalar vakillari, milliy madaniy markazlar faollari, diniy bag‘rikenglik va millatlararo totuvlikni mustahkamlashga munosib hissa qo‘shib kelayotgan hamyurtlarimiz, shuningdek OAV vakillari ishtirok etdi.
Haftalik doirasida o‘tkazilayotgan tadbirlar 130 dan ortiq millat va elat, 16 ta diniy konfessiya vakillari o‘rtasidagi muloqotni kengaytirish, yoshlarni mamlakatimizdagi madaniy xilma-xillik bilan yaqindan tanishtirish hamda jamiyatda o‘zaro hurmat va hamjihatlikni mustahkamlashga qaratilgan.
O‘zbekiston musulmonlari idorasi Matbuot xizmati