AQShning Binggempton universitetida o'tkazilgan tadqiqot namoz harakatlari umurtqa pog'onasining pastki qismidagi og'riqlarni engillashtirishini isbotladi. Olimlarning fikricha, muntazam namoz o'qish umurtqa pog'onasiga terapevtik muolajalar kabi kuchli ta'sir ko'rsatadi. Shuningdek, orqa miyadan tashqari, qon bosimi va yurak urish tezligini barqarorlashtirishga yordam beradi, tarang mushaklarni bo'shashtiradi.

Tadqiqotchilarning ta'kidlashicha, pastki umurtqa pog'onasiga eng katta ta'sir tiz cho'kib sajda qilingan paytda bo'ladi.

Namozning salomatlikka foydasi haqidagi qiziqarli xulosa olimlarni uni qismlarga bo'lib o'rganishga undadi va bunday xulosaga kelishdi.

Tik turish vaznni teng taqsimlaydi, ruku pastki orqa va son mushaklarini cho'zadi va yuqori tanaga qon oqimini yaxshilaydi, sajda bo'g'inlarning elastikligini oshirib, boshga qon oqimining ko'paytirib, qon bosimini barqarorlashtirishga yordam beradi, shuningdek, xotira va konsentratsiyani yaxshilaydi.

Takroriy sajda esa tananing nafas olish, qon aylanish va asab tizimlarini tozalashga yordam beradi, ovqat hazm qilishni ham bir me'yorga keltiradi, chunki ovqat oshqozon ichida yuqoriga va pastga harakatlanadi.

Tadqiqot umurtqa pog'onasidagi og'riqlarga bag'ishlanganligi sababli, namoz ulardan aziyat chekadigan bemorlarga samarali vositalardan biri sifatida tan olindi.