Shu yil 28-29 iyun' kunlari Qur'oni karimni yoddan tilovat qilib berish bo'yicha Qirg'izistonning Bishkek shahrida o'tkazilgan II Halqaro Qur'oni karim musobaqasida O'zbekiston vakili sifatida Toshkent shahridagi “Ko'kaldosh” o'rta maxsus islom bilim yurti 3-kurs talabasi Bilol qori Yusufjonov qatnashdi.

Mazkur musobaqada Rossiya Federatsiyasi, Checheniston, Ingushiya, Tatariston, Boshqirdiston, Dog'iston, Yakutiya Respublikalari, shuningdek, Qozog'iston, O'zbekiston, Qirg'iziston, Shrilanka, Pokiston va boshqa davlatlar qorilaridan iborat 16 nafar vakil ishtirok etdi.

Musobaqada ishtirokchi qorilarning chiqishini Qatar, Liviya, Misr Arab Respublikasi, Turkiya va Qirg'iziston Respublikasi mutaxassislaridan iborat bo'lgan hakamlar hay'ati a'zolari baholab borishdi.

Yakuniy natijaga ko'ra, 1-o'rin Shrilanka, 2-o'rin Dog'iston, 3-o'rin Qirg'iziston, 4-o'rin Pokiston va 5-o'rin Checheniston Respublikasi qorilariga nasib etdi. Shuningdek, vakilimizga ham tashakkurnoma yorlig'i topshirildi.

G'oliblarga mukofotlar topshirildi. Shuningdek, ishtirokchi qorilar uchun musobaqa tashkilotchilari tomonidan Qirg'izistondagi dam olish zonasi va diqqatga sazovor joylarga ziyoratlar uyushtirildi.

O'zbekiston musulmonlari idorasi Halqaro aloqalar bo'limi