Sayt test holatida ishlamoqda!
30 Yanvar, 2026   |   11 Sha`bon, 1447
search icon
Avvalgi sayt
ЎЗ РУ EN AR

Toshkent shahri
Tong
06:15
Quyosh
07:37
Peshin
12:41
Asr
15:55
Shom
17:41
Xufton
18:55
Bismillah
30 Yanvar, 2026, 11 Sha`bon, 1447
Avvalgi sayt
#search
 YouTube

Qurbon hayiti kuni bajariladigan 13 amal

04.07.2022   3015   4 min.
Qurbon hayiti kuni bajariladigan 13 amal
  1. Arafa kuni kechasi, ya'ni, hayit kuniga o'tar kechasini bedor o'tkazish.

Hayit kuniga o'tar kechani Qur'on tilovati, zikr, tasbih va nafl namozlar bilan o'tkazish ulkan savoblarga sabab bo'ladi. Rasululloh sollalohu alayhi vasallam: "Kim ikki iyd kechalarini Allohdan savob umidida qoim qilsa, qalblar o'ladigan kunda uning qalbi o'lmas", deganlar (Ibn Moja, Tabaroniy rivoyati).

  1. G'usl qilish. "Rasululloh sollallohu alayhi vasallam Fitr, Azho va Arafa kunlari g'usl qilar edilar"(Ibn Moja rivoyati).
  2. Eng yaxshi, yangi yoki toza kiyimlarni kiyish.
  3. Hushbo'ylanish.
  4. Qurbon hayiti namoziga chiqishdan oldin hech narsa emaslik."Rasululloh sollallohu alayhi vasallam Ramazon hayitida taomlanmasdan chiqmasdilar, qurbonlik kunida esa namoz o'qigunlaricha taomlanmasdilar"(Imom Termiziy rivoyati(.

Eslatma! Ba'zilar qurbon hayitida hech narsa emay namozga chiqishni noto'g'ri tushunib, kunning avvalgi yarmiga qadar ro'zani niyat qilish kerak, deyishadi. Shu bilan birga, o'sha kuni saharlikka turishadi va og'izlarini niyat bilan berkitib namozga chiqishadi. Hayit namozi o'qib bo'lingach esa, xuddi iftorlikdagi kabi og'izlarini ochishadi. Bunday qilish noto'g'ri. Hayit kunlarida ro'zani niyat qilish harom amal sanaladi. Qolaversa, yarim kunga ro'za niyat qilinmaydi.

  1. Masjidga imkon bo'lsa piyoda va ertaroq borish. "Rasululloh sollallohu alayhi vasallam ikki hayit namoziga piyoda yurib chiqardilar" (Ibn Moja rivoyati).
  2. Yo'lda tahlil (Laa ilaha illalloh), takbir (Allohu akbar) va tahmid (Alhamdulillah) aytish. "Allohu akbar, Allohu akbar, Laa ilaaha illallohu Allohu akbar, Allohu akbar va lillaahil hamd".
  3. Hayit namozidan oldin boshqa biror nafl namoz o'qimaslik. Masjidga borgandan so'ng tahiyyatul masjid yoki boshqa biror nafl namoz o'qimasdan zikr qilib o'tirish lozim.
  4. Namozga bir ko'chadan borib, boshqasidan qaytish. Nabiy sollallohu alayhi vasallam shunday qilar edilar.
  5. Hayit bilan muborakbod etish. Sahobalar: "Taqobbal Alloh minna va minkum (Alloh bizdan ham, sizdan ham qabul etsin)", deb bir-birlarini bayram bilan tabriklashardi.
  6. Ahli ayol va yosh bolalarni xursand qilish. Oilada bayram kayfiyatini paydo qilish, sovg'a-hadyalar ulashish kerak.

12.Qavm-qarindosh, yosh ulug'larni ziyorat qilish.

  1. Tanish-bilish, yoru do'st, qo'ni-qo'shnilarni bayram bilan tabriklash.

Qurbon hayitingiz muborak bo'lsin!

 

Davron NURMUHAMMAD

Maqolalar
Boshqa maqolalar
Yangiliklar

Professor Ubaydulla Uvatov xotirasiga bag‘ishlangan konferensiya o‘tkaziladi

30.01.2026   510   2 min.
Professor Ubaydulla Uvatov xotirasiga bag‘ishlangan konferensiya o‘tkaziladi

Imom Termiziy xalqaro ilmiy-tadqiqot markazida zabardast olim, filologiya fanlari doktori, professor Ubaydulla Uvatov xotirasiga bag‘ishlangan “Manbashunoslik maktabi: tarix va zamonaviy yondashuvlar” mavzusidagi I respublika ilmiy konferensiyasi tashkil etiladi.

2026 yil 26 fevral kuni bo‘lib o‘tadigan nufuzli tadbirda yurtimizning taniqli ulamolari, yetuk soha olimlari, mamlakatimizdagi yetakchi oliy ta’lim muassasalari hamda ilmiy-tadqiqot markazlari vakillari ishtirok etishi kutilmoqda.

Konferensiyada quyidagi mavzular muhokama qilinadi:

  • Ubaydulla Uvatovning manbashunoslik sohasidagi ilmiy merosi va uning ahamiyati;
  • Manbashunoslik maktabining shakllanishi, rivojlanish bosqichlari va tarixiy tajribasi;
  • O‘zbekiston tarixini o‘rganishda yozma, moddiy va og‘zaki manbalarning o‘rni;
  • Manbashunoslik tadqiqotlarida zamonaviy metodologiya va innovatsion yondashuvlar;
  • Tarixiy manbalarni tahlil qilish, tanqidiy o‘rganish va ilmiy muomalaga kiritish masalalari;
  • Arxiv hujjatlari, qo‘lyozmalar va nodir manbalarni saqlash, raqamlashtirish hamda tadqiq etish muammolari;
  • Yosh tadqiqotchilarning manbashunoslik sohasidagi izlanishlari va ilmiy istiqbollari.

Konferensiya nafaqat ilmiy doira vakillari, balki keng jamoatchilik uchun ham muhim ahamiyatga ega bo‘lib, ajdodlarimiz merosini keng targ‘ib etish yo‘lidagi navbatdagi qadamdir.

Konferensiya yakunlari bo‘yicha maqolalar to‘plami nashr etiladi. Ishtirok etish uchun maqolalarni 2026 yil 17 fevralga qadar yuborishingiz so‘raladi.

Texnik talablar:

  • Tillar: O‘zbek, rus va ingliz tillarida.
  • Format: MS Word (Times New Roman, 14 pt, 1,5 interval).
  • Hoshiyalar: Yuqori va pastdan 2,5 sm, chapdan 3 sm, o‘ngdan 1,5 sm.
  • Rasmiylashtirish: Maqola mavzusi katta harflarda yoziladi. Muallifning ism-sharifi, ilmiy darajasi, ish joyi va aloqa ma’lumotlari (Telegram/WhatsApp va el-pochta) ko‘rsatilishi shart.

Bog‘lanish uchun:

Tel/Telegram: +998 99 272 82 51

Elektron pochta: termiziycenteruz@gmail.com

Manzil: Surxondaryo viloyati, Termiz shahri, Imom Termiziy xalqaro ilmiy-tadqiqot markazi.

Imom Termiziy xalqaro ilmiy-tadqiqot markazi

Matbuot xizmati

Yangiliklar
#logo