Saudiya Arabistoni hukumati 100 nafar yuqori malakali ulamoni Makkaning Al-Harom masjididagi ziyoratchilarga maslahat berish uchun jo'natdi.
Al-Harom masjidiga navbatchilik qilgan yuzlab olimlar orasida taniqli shariat qozilari va Saudiya universitetlarining o'qituvchilari bor, deya xabar beradi ArabNews.
Islom ulamolari masjid hududidagi maxsus joylarda o'tirib, qavm va ziyoratchilarning savollariga jonli ravishda va telefon orqali javob beradilar. Ulamolar navbat almashib ishlashadi va kunu tun rejimida maslahat berishadi.
Yuzlab olimlardan tashqari mo'min musulmonlar Al-Harom masjidi hududida ishlaydigan robotlarga ham o'z savollarini berishi mumkin. Robotlar arab, ingliz, rus, fors, turk, malay, xitoy, bengal va xaus kabi 11 tillarda so'zlay olishadi.
O'zbekiston musulmonlari idorasi Matbuot xizmati
Kecha, 14 noyabr kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Finlandiya musulmonlari jamiyati imomi Ramil hazrat Belyayev boshchiligidagi delegatsiyani qabul qildilar.
Fin yurtining din peshvolari ayni kunlarda mamlakatimizda keng nishonlanayotgan 16 noyabr – "Xalqaro bag‘rikenglik kuni" munosabati bilan o‘tkazilayotgan tadbirlarda faol ishtirok etmoqdalar.
Muloqotda O‘zbekiston va Finlandiya o‘rtasidagi hamkorlik yildan-yilga rivojlanib borayotgani, o‘tgan oyda Finlyandiya Prezidentining mamlakatimizga rasmiy tashrifi ikki davlat o‘rtasidagi do‘stona aloqalarni yangi bosqichga ko‘targani, ayniqsa, ijtimoiy-iqtisodiy, ta’lim, ilm-fan, madaniyat, turizm sohalarida hamkorlik rivojlanib borayotgani, xususan, o‘tgan yili O‘zbekiston musulmonlari idorasi delegatsiyacining Finlandiyaga safari juda ham samarali kechganiga urg‘u berildi.
Finlandiya delegatsiyasi mamlakatimizda amalga oshirilayotgan diniy-ma’rifiy islohotlar, millatlararo totuvlik va bag‘rikenglik borasidagi ishlarni yuqori baholab, ikki tomonlama hamkorlikni yanada rivojlantirishdan manfaatdor ekanini bildirdi.
Uchrashuv samimiy ruhda o‘tib, tomonlar esdalik sovg‘alari almashdilar.
O‘zbekiston musulmonlari idorasi
Matbuot xizmati