Birlashgan Arab Amirliklarida turizm sohasida dunyodagi eng yirik tadbir — «Arabian Travel Market – 2022» («ATM-2022») xalqaro sayyohlik ko'rgazmasi ish boshladi, deb xabar bermoqda «Dunyo» AA.

«Keling, sayohat va turizm kelajagini birgalikda shakllantiraylik» shiori ostida o'tayotgan ushbu xalqaro tadbirda dunyoning 100 ga yaqin mamlakati, jumladan, O'zbekiston, BAA, Saudiya Arabistoni, Ispaniya, Italiya, Germaniya, Kipr, Misr, Ozarbayjon, Belarus', Armaniston, Indoneziya, Malayziya, Yaponiya, Janubiy Koreya, Mal'div orollari, Filippin, Tailand, Meksika va boshqa mamlakatlar kompaniyalari qatnashmoqda.

Halqaro ko'rgazmada O'zbekiston Turizm va madaniy meros vazirligi, «Uzbekistan Airways» AJ, «Orient Mice», «Dolores Travel», «Sanat travel experts Sogda tour», «Asia tour elite», «International caravan travel service», «Amirsoy» kompaniyalari, «Hyatt Regency hotel Tashkent» mehmonxonasi va boshqa sayyohlik tashkilotlari tomonidan tayyorlangan milliy stend namoyish etilmoqda.

Tadbir doirasida Birlashagan Arab Amirliklarida istiqomat qilib kelayotgan faol vatandoshlar, blogerlar va media vakillari ko'magida O'zbekistonda turizmni rivojlantirish, sayyohlarga taqdim etilayotgan imtiyozlar, ularning xavfsizligini ta'minlash uchun ko'rilayotgan chora-tadbirlar haqidagi ma'lumotlar ijtimoiy tarmoqlarida keng targ'ib qilinmoqda.

O'zbekiston musulmonlari idorasi Matbuot xizmati