Shu yil 11 may kuni O'zbekiston musulmonlari idorasida Huquqshunoslik bo'limi “Zoom” platformasi orqali Qashqadaryo viloyati vakilligi va masjidlar ishini yurituvchi mas'ul xodimlar bilan onlayn uchrashuv o'tkazildi.

Masofadan turib o'tkazilgan tadbirni Huquqshunoslik bo'limi mudiri v.v.b. Jahongir Hotamov va bo'lim mas'ul xodimi Elyor Minavarov olib bordi.

Onlayn tadbirda Jahongir Hotamov ishtirokchilarga O'zbekiston Respublikasining Mehnat kodeksi loyihasidagi yangilik va o'zgarishlar haqida ma'lumot berdi.

Shuningdek, masofaviy uchrashuvda masjidlardan kommunal to'lovlar uchun ortiqcha haq undirishni nazorat kilish, 2003 yildagi Vazirlar Mahkamasining “Din sohasidagi ma'naviy-ma'rifiy, ta'lim ishlarini va faoliyatni yanada takomillashtirishda ijtimoiy ko'mak va imtiyozlar berish to'g'risida”gi 364-qarori va shu yildagi 525-sonli VM farmoyishi amalda ekani, diniy tashkilotlar barcha kommunal to'lovlarni jismoniy shaxslar bilan bir xilda to'lashi belgilangani tushuntirildi va bu to'g'rida hududdagi diniy soha vakillariga etkazish aytildi.

O'zbekiston musulmonlari idorasi Matbuot xizmati