Falastinning G'azzo sektorida faoliyat yuritayotgan Turkiyaning “Gazi Dastak” uyushmasi 20 mingdan ortiq Kalomullohni masjidlar va Qur'oni karimni o'rgatish markazlariga tarqatish uchun G'azzodagi Din ishlari va vaqflar vazirligiga hadya qildi. Bu haqda Erondagi “IQNA” sayti “Anadolu” matbuot xizmati ma'lumotiga tayanib xabar berdi.

Ushbu Qur'oni karim kitobining 20 ming nusxasi G'azzoga, 30 ming nusxasi esa G'arbiy sohilga, jumladan, Quddusi sharif shahriga taqdim etiladi. Qur'onning ushbu nusxalari “Masjidul Aqso Qur'oni” deb nomlanadi va buyuk kitobning orqa muqovasida “Quron – mening sovg'am” nomi bilan nashriyot shiori bosilgan.

Ma'lumot uchun, gumanitar masalalarga ixtisoslashgan “Gazi Dastak” uyushmasi 2017 yildan beri G'azzo sektorida o'z faoliyatini amalga oshirib kelmoqda.

O'MI Halqaro aloqalar bo'limi