? O'zbekiston musulmonlari idorasi tashabbusi bilan xalqimizning ilmu ma'rifatini oshirish, jaholatga qarshi ma'rifat bilan kurashish maqsadida, “Madaniyat va ma'rifat” telekanalida ✅ “Ma'rifiy suhbatlar” nomli yangi turkum ko'rsatuvlar har payshanba kuni namoyish etiladi.
? Ushbu yangi teleloyihada taniqli ulamolar, tajribali imom-xatiblar va mohir mudarrislar Islom dinining ma'rifiy ta'limotlari, bugungi kundagi dolzarb masalalar hamda ijtimoiy muammolar borasida so'z yuritadilar. Shuningdek, tomoshabinlardan kelgan din va hayotga oid savollarga javoblar beriladi.
✅ Ushbu teledasturning ilk sonida O'zbekiston musulmonlari idorasi Fatvo hay'ati ulamolari “Fatvo berishning mas'uliyati” borasida bahs qiladilar va ayni kunlarda muhim bo'lib turgan shar'iy savollarga javob beradilar.
❗️Shu yil 13 yanvar', payshanba kuni soat 21:00 dan boshlab, “Ma'rifiy suhbatlar” nomli ko'rsatuvning ilk sonini tomosha qilishni tavsiya etamiz.
? Alloh taolo ushbu yangi teleloyihani barchamizga muborak qilsin!
O'zbekiston musulmonlari idorasi Matbuot xizmati
muslim.uz
@muslimuzportal | @mp3muslim | @diniysavollar
Bismillahir Rohmanir Rohiym
Kunlardan birida professor qo‘liga suv to‘ldirilgan idishni oldida, qo‘llarini oldinga uzatib, talabalardan so‘radi:
– Agar bu idishni shu holatda uzoq vaqt ushlab tursam nima bo‘ladi?
– Qo‘llaringiz og‘rib ketadi.
– Bir kun ushlab tursam-chi?
– Qo‘llaringiz zo‘riqib, uyushib, tamom bo‘ladi, mushaklaringiz shikastlanishi ham mumkin.
– Agar kun bo‘yi tursam, idishning vazni o‘zgaradimi?
– Aslo yo‘q!
– Xo‘sh, bu ahvoldan qutilish uchun nima qilishim kerak?
– Oddiy-ku! Idishni qaytarib stol ustiga qo‘ying!
– Barakalla! – yuzlariga kulgu yugirib javob berdi professor. Hayotda uchraydigan qiyinchiliklar ham shunga o‘xshaydi. Agar muammolaringizni bir necha daqiqa o‘ylasangiz, ular sizga yaqinlashadi. Hayolingizni uzoq vaqt ular bilan band qilsangiz, tinkangizni quritadi. Kun bo‘yi shu muammolaringiz dardida yuradigan bo‘lsangiz, miyangiz og‘rib, to‘g‘ri qaror qabul qilolmaydigan holga kelib qoladi. Bu bilan muammolaringizning “vazni” o‘zgarmaydi. Shunday ekan, sabr va duo bilan Alloh taolodan umidvor bo‘ling. Zero, Alloh sabr qiluvchilar bilan birgadir.