Bugun, 11 yanvar' kuni O'zbekiston musulmonlari idorasida O'zbekiston zaminidan etishib chiqqan alloma Muhammad ibn Mahmud Ustrushaniyning “Jomi' ahkom as-sig'or” asarining o'zbek tilidagi ilk nashri va Toshkent shahridagi "Shayx Muhammad Sodiq Muhammad Yusuf" jome masjidi imom noibi Hasanxon Yahyo Abdulmajidning “Yo'l harakati fiqhi” kitobi taqdimoti o'tkazildi.
Marosimda O'zbekiston musulmonlari idorasi raisi, muftiy Nuriddin domla hazratlari, taniqli ulamolar, imom-domlalar, mudarrislar, professor-o'qituvchilar, turli soha vakillari va OAV xodimlari qatnashdi.
Taqdimot marosimida so'zga chiqqan notiqlar ishtirokchilarga “Jomi' ahkom as-sig'or” va “Yo'l harakati fiqhi”kitoblarining bugungi kundagi ahamiyati haqida keng ma'lumot berishdi.
Ma'rifiy tadbir tafsiloti haqida sayt va ijtimoiy tarmoqdagi sahifalarimizda batafsil ma'lumot beramiz.
O'zbekiston musulmonlari idorasi matbuot xizmati
Muslim.uz
O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbusi bilan diniy soha vakillari o‘rtasida sog‘lom turmush tarzini targ‘ib etish, jismoniy faollikni oshirish va o‘zaro do‘stona munosabatlarni mustahkamlash maqsadida sport musobaqalari izchil ravishda tashkil etilmoqda.
Shu doirada Qashqadaryo viloyatida voleybol, stol tennisi, shaxmat va shashka bo‘yicha musobaqalarning final bosqichi o‘tkazilib, shahar va tumanlardan saralangan g‘oliblar faol ishtirok etdilar. Qizg‘in bahslar yakunlanib, har bir sport turi bo‘yicha g‘olib va sovrindorlar aniqlandi.
Tadbir yakunida ishtirokchilar diplom va esdalik sovg‘alari bilan taqdirlanib, keyingi bosqich musobaqalarida qatnashish huquqini qo‘lga kiritdilar.
Musobaqada O‘MI Qashqadaryo viloyati vakili, viloyat bosh imom-xatibi Rahmatillo domla Usmonov hamda Qashqadaryo viloyati hokimining o‘rinbosari Farhod Kushakov ishtirok etib, qatnashchilarga ezgu tilaklar bildirdi va respublika bosqichida omad tiladi.
Tadbirni yuqori saviyada tashkil etishda yaqindan ko‘maklashgan Qashqadaryo viloyati hokimligi va viloyat sport boshqarmasi rahbariyati hamda xodimlariga minnatdorchilik bildiramiz.
Qashqadaryo viloyati vakilligi
Matbuot xizmati