“Pirotexnika ofat keltiradi, yoxud musulmonni qo'rqitish halol emas!” nomli innovatsion dasturlar va zamonaviy metodlarni o'z ichiga olgan INFOGRAFIKA tayyorlandi.
Infografikada pirotexnika vositalarining moddiy va ma'naviy zararlari, uning salomatlikka salbiy ta'siri, Islom dinida insonni qo'rqitish, ziyon etkazish qattiq qoralanishi, shunday buyumlarni qonunga xilof tarzda ishlab chiqarish, sotish va tarqatish hamda ulardan foydalanish javobgarlikka sabab bo'lishiga oid ma'lumotlar ifoda qilingan.
Shuningdek, tarbiya ishiga mutasaddi bo'lganlar va ota-onalarga muhim tavsiyalar bayon etilgan.
Mobil qurilmalar orqali ham foydalanish uchun infografikaning PDF shakli, mavzuga oid videoroliklar va mazkur faoliyat bilan shug'ullanganlik uchun javobgarlik belgilangan tegishli kodekslar moddalarining QR kodlari berilgan.
Siz azizlardan ushbu infografikani keng tarqatish orqali noxush voqea-hodisalarning oldini olishga chaqiramiz.
O'zbekiston musulmonlari idorasi
Er-xotin tez-tez urishib qolaverdi. Shunda ayoli eriga:
– Dadasi, qo‘shnilarimiz biror marta urishganini eshitmadim. Biz esa tez-tez janjallashib qolyapmiz. Qarshi bo‘lmasangiz, qo‘shni ayoldan buning sirini bilib kelaman, – dedi.
Eri rozi bo‘ldi. Ayol qo‘shni ayol bilan suhbatlashgani chiqib, undan oilada osoyishtalikni saqlash siri haqida so‘radi.
Bu paytda qo‘shni ayol oshxonada ovqat qilayotgan, uning eri esa stolda bir nimalarni yozib o‘tirgandi. Shunda birdan telefon jiringladi. Eri telefon oldiga borar ekan, bexos stol ustida turgan vazani turtib yubordi. Vaza yerga tushib, sindi. Bu holni ko‘rgan ayoli darrov kelib vazani siniqlarini tera boshladi. Eri ayoliga aybdorona qarab, uzr so‘radi. Ayoli esa: “Aslida men sizdan uzr so‘rayman. Chunki vazani stol ustiga – noqulay joyga qo‘ygan ekanman”, dedi.
Bu holni kuzatgan qo‘shni ayol uyiga qaytib keldi va nimalar ko‘rganini aytib berdi. So‘zi yakunida: “Oddiy bir ishda ular ikkalasi ham o‘zini aybdor hisoblarkan. Biz esa har ishda o‘zimizni haq, deymiz. Janjalimiz sababi shundan ekan”, dedi.
Rasululloh sollallohu alayhi vasallam bunday deganlar: «Haq bo‘la turib janjalni tark etgan kishiga jannat yonidagi bir uyga kafilman. Hazildan bo‘lsa ham, yolg‘onni tark etgan kishiga jannat o‘rtasidagi bir uyga kafilman. Chiroyli xulqli kishiga jannatning eng yuqorisidagi bir uyga kafilman» (Imom Abu Dovud rivoyati).
Mana, osoyishtalik siri nimada ekan!
Akbarshoh Rasulov