— Menga, farzandimga nohaq tuhmat qilishdi. Tuhmat haqida dinimizda nima deyilgan? Tuhmat qilganga qanday gunohlar yoziladi?
— Abu Dardo roziyallohu anhudan rivoyat qilinadi. Payg'ambarimiz sollallohu alayhi vasallam: “Kim bir odamni ayblab, unda yo'q narsani aytgan bo'lsa, Alloh taolo uni aytgan narsasidan xalos bo'lguncha jahannam olovida kuydirib turadi”, dedilar (Imom Tabaroniy rivoyati).
Boshqa bir rivoyatda esa “Qandoq qilib ham xalos bo'lar edi”, deyilgan.
Tuhmatni gunohi ulkandir. Siz Alloh va vijdoningiz oldida to'g'ri bo'lsangiz, hech xavotirlanmang. O'sha tuhmat qilganlar siz rozi bo'lmaguningizcha bu haqdan qutula olishmaydi. Shuning uchun, siz Allohni huzuridagi ajrlardan umidvorlikda davomli bo'ling. Vallohu a'lam!
Muhammad Ayyub HOMIDOV
O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbusi bilan muborak Ramazon oyidagi Xatmi Qur’on tadbirlarida ishtirok etuvchi qorilarni saralash va tayyorgarlik jarayonlari izchil davom etmoqda.
Shu yilning 4 fevral kuni «Shayx Muhammad Sodiq Muhammad Yusuf» majmuasida Toshkent shahar masjidlarida tarovih namozlarida xatmga o‘tadigan qorilar bilan navbatdagi suhbat o‘tkazildi.
Tadbir davomida O‘zbekiston musulmonlari idorasining «Qur’on va tajvidni o‘rgatish» bo‘limi mudiri Shayx Alijon qori Fayzulloh Maxdum qorilarga xatm qilish odoblari, tajvid qoidalari, xususan, vaqf va ibtido (to‘xtash va boshlash) ilmi bo‘yicha mahorat darsi va ma’ruza qildilar.
Shuningdek, malakali ustozlar tomonidan qorilarning tayyorgarlik darajasi ko‘rikdan o‘tkazilib, muborak oy davomida Qur’on tilovatini yuksak saviyada ado etish yuzasidan zarur tavsiya va ko‘rsatmalar berildi.
AlQuran.uz