Sayt test holatida ishlamoqda!
06 Iyul, 2025   |   11 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:13
Quyosh
04:56
Peshin
12:33
Asr
17:42
Shom
20:03
Xufton
21:39
Bismillah
06 Iyul, 2025, 11 Muharram, 1447
Avvalgi sayt
#search
 YouTube

Nur-Sulton shahridan maxsus xabar: Muftiy Nuriddin domla hazratlari xalqaro anjumanda qatnashish uchun etib keldilar

25.11.2021   1693   1 min.
Nur-Sulton shahridan maxsus xabar: Muftiy Nuriddin domla hazratlari xalqaro anjumanda qatnashish uchun etib keldilar

2021 yil 25 noyabr' kuni O'zbekiston musulmonlari idorasi raisi, muftiy Nuriddin domla hazratlari Qozog'istonda o'tkaziladigan “Mustaqil Qozog'iston va Islom qadriyatlari” nomli xalqaro ilmiy-amaliy konferentsiyada ishtirok etish uchun Nur-Sulton shahriga etib keldilar. Muftiy hazratlarini Qozog'iston muftiysi noibi Sansizbay domla Qurbonov, Chimkent bosh imom-xatibi Bakdaulet domla Abdirahmanov, Chimkent noib imomi Bekaidar Kimbatovlar kutib olishdi.

Bugun kunning birinchi yarmida Muftiy Nuriddin domla hazratlari Qozog'iston musulmonlari idorasi raisi, bosh muftiy, Navro'zbay hoji Tag'anuli janoblari bilan o'zaro muloqot o'tkazishlari reja qilingan. Kunning ikkinchi yarmida esa Nur-Sulton shahrida joylashgan “Rixos President” mehmonxonasida “Mustaqil Qozog'iston va Islom qadriyatlari” nomli xalqaro ilmiy-amaliy konferentsiyada ishtirok etib, nutq so'zlashlari kutilmoqda.

Eslatib o'tamiz, ushbu nufuzli tadbirda Rossiya Federatsiyasi musulmonlari diniy idorasi raisi, muftiy Shayx Ravil Gaynutdin, Rossiya musulmonlari Markaziy diniy idorasi raisi, Shayx-ul Islom, muftiy Talgat Safo Tajuddin, Qirg'iziston musulmonlari idorasi raisi, muftiy Zamir hoji Rakiyev, Tojikiston islom markazi raisi, muftiy Saidmukarram Abduqodirzoda hazratlari, Mo'g'iliston musulmon tashkilotlari ittifoqi raisi Hadis Botirbek hoji, Qozog'istondagi “Nur-Muborak” Misr islom madaniyati universiteti rektori Muhammad ash-Shahhat al-Jindiy singari Islom olamining martabali ulamolari, muftiylari, ekspertlari va mahalliy yirik din peshvolari qatnashishi ko'zda tutilgan.

Halqaro anjuman faoliyatini sayt va ijtimoiy tarmoqlarimiz orqali kuzatib boring.

O'zbekiston musulmonlari idorasi matbuot xizmati
Muslim.uz #Halqaro_anjuman #Muftiy
@muslimuzportal | @mp3muslim | @diniysavollar

O'zbekiston yangiliklari
Boshqa maqolalar

“Safarga ketdilar...”

04.07.2025   12241   2 min.
“Safarga ketdilar...”

Ayoli vafot etganidan keyin eri juda mayus bo‘lib qoldi. Bir kuni uning yaqin do‘sti uni koyidi:

– Haliyam uylanmadingmi?

– Yo‘q, – dedi u.

– Nega, nahotki boshqa ayollar ichida senga yoqadigani bo‘lmasa?

– Rahmatli ayolimga o‘xshagani topilmasa kerak...

– Qo‘ysang-chi, ayollarning bari bir-biriga o‘xshaydi-ku!..

– Men zohirini aytmayapman. Ichki olamini, botinini aytyapman.

Yigit hayron bo‘lib qarab turgan do‘stiga hayotida bo‘lgan birgina voqeani gapirib berdi:

“Bir kuni ayolim jahlimni chiqardi. Qattiq urishdim va uni ota uyiga haydadim. Jimgina ketdi. Oradan bir necha kun o‘tgach, qilgan ishimdan pushaymon bo‘ldim. Aslida ayb o‘zimdan o‘tganini angladim. Ming andisha bilan qaynotamnikiga bordim. Eshik oldida biroz turib qoldim. So‘ng eshikni taqillatdim. Ayolim ochdi va meni hayratda qoldirib, xuddi oramizda hech gap o‘tmaganday, baland ovozda:

– Assalomu alaykum dadajonisi, safaringiz yaxshi o‘tdimi? – deya tabassum bilan ko‘zini qisib qo‘ydi. Unga bir nimalar demoqchi bo‘lgan edim, u meni qattiq bag‘riga bosib, bunday dedi:

– Gapirmang, ota-onamga sizni “safarga ketdilar”, dedim...

Ana shunday fahmli, oqila edi ayolim. Shuning uchun ham unga hech birini o‘xshatolmay, uylanolmay yuribman, do‘stim”.

Ha, azizlar! Alloh taolo erkakni ayol uchun, ayolni erkak uchun ne’mat qilib bergan. To‘g‘ri, ba’zilar bir-birlarining kamchiliklaridan shikoyat qilib qolishadi. Ammo hech kim benuqson emas. Mukammal ayolni ham, erkakni ham axtarmang bu dunyoda. Hikoyada kelganidek, ba’zida er uchun bir jufti halol butun dunyodagi ayollardan afzal bo‘lishi mumkin. Shunday ekan, ahli ayolimizni qadrlaylik. Zero, u ham kimningdir farzandi, bolalarimizning onasi. Eng muhimi, Allohning bizga bergan omonatidir.

Akbarshoh RASULOV