Saudiya Arabistoni Qizil dengizda “Oxagon” deb nomlangan suzuvchi sakkizburchak shaklidagi shahar qurilishini e'lon qildi.

Mazkur loyihani tashkil etish bo'yicha “Neom” kompaniyasi tashabbus ko'rsatgan va qo'llab-quvvatlangan, uning direktorlar kengashiga valiahd shahzoda Muhammad bin Salmon raislik qiladi, deyiladi kompaniya veb-saytida.

Taqdim etilgan ma'lumotlarga ko'ra, “Oxagon” shahri “Neom” kompaniyasi atrofida joylashgan bo'lishi va bu yangi tashkil etiladigan mintaqa kelajakda shunchalik o'sishni va'da qilmoqdaki, u N'yu-Yorkdan 33 baravar katta bo'ladi.
“Neom” ning markaziy qismi hali ham qurilayotgan shu nomdagi aqlli shahardir. “Neom” nomi “Neo” ("yangi") qismini va “m” arabcha "mustaqbal" ("kelajak") so'zining birinchi harfini o'z ichiga oladi.

Reklama videosida aytilishicha, “Oxagon” dengiz port va aeroportlari bilan dunyodagi eng ilg'or logistika markazlaridan biriga aylanadi. Shahzoda Muhammad bin Salmonning so'zlariga ko'ra, u “Oxagon” loyihasini, xususan, “Neom” va butun Qirollik miqyosida ham iqtisodiy o'sish katalizatori sifatida ko'radi.
Qizil dengiz bugungi kunda dunyodagi eng gavjum savdo yo'llaridan biri hisoblanadi. Shunday qilib, har yili jahon savdosining 10-12% Suvaysh kanali orqali o'tadi.

Istiqbolli suzuvchi “Oxagon” shahrining asosiy xususiyati uning hududidagi barcha ob'ektlar 100% toza energiyada ishlaydi. Mazkur g'oyani hayotga tatbiq etish qanchaga tushishi haqida hali xabar berilmagan.

“Neom” kabi “Oxagon” ning yaratilishi Valiahd, shahzoda Muhammad bin Salmonning “Vision 2030” – “ Nigoh 2030” nomli etakchi loyihaning bir qismidir. Saudiya Arabistoni milliy iqtisodiyotining neft qazib olish va ishlab chiqarishga bog'liqligini qisqartirish maqsadida 2030 yilgacha barcha tarmoqlarda yangi va istiqbolli zamonaviy islohotlar amalga oshishi kutilmoqda.

O'MI Halqaro aloqalar bo'limi