Москва муфтийси Альбир Крганов 2021 йил 19 октябрь куни Уламолари Кенгашида сайланган Диний идора раиси, муфтий Нуриддин домла Холиқназаров ҳазратларига табрик йўллади. Унда жумладан шундай дейилади:
– Россия мусулмонлари диний жамоаси ва шахсан ўз номимдан Сизни Ўзбекистон муфтийси ва Ўзбекистон мусулмонлари идораси раиси масъул лавозимига сайланганингиз билан чин дилдан табриклайман. Шарафли мартабани қабул қилар экансиз, Сиз шак-шубҳасиз зиммангизга юклатилган улкан масъулият улушини ҳис қиласиз.

Сиз кўп йиллар давомида тинчлик, эзгулик ва диний бағрикенглик тамойилларига амал қилган ҳолда Республика мусулмон жамоасининг манфаати учун тинмай хизмат қилиб келмоқдасиз. Бутун умрингизни исломнинг инсонпарварлик қадриятларига сидқидилдан хизмат қилиш, маънавий-ахлоқий устозлик қилиш, одамларга ёрдам беришга бағишландингиз, жамоатчиликнинг тан олиши ва мўмин-мусулмонларнинг муҳаббатига сазовор бўлдингиз, шу туфайли аввалроқ Тошкент шаҳар бош имом-хатиби мартабасига лойиқ, деб кўрилган эдингиз.

Россия мусулмонлари диний жамоаси Сизнинг умматнинг гуллаб-яшнаши учун қўшган ҳиссангиз, шунингдек бизнинг диний анъаналаримиз издошларининг дўстона мулоқоти ва ҳамкорликнинг ривожланиши йўлидаги саъй-ҳаракталарингизни юқори баҳолайди. Сизнинг фидокорона фаолиятингиз жамиятнинг маънавий ва ахлоқий асосларини сақлаш ва ошириш ҳамда тинчлик ва миллатлараро тотувликни мустаҳкамлашга хизмат қилади.
Мамлакатларимиз ўртасидаги муносабатлар жуда юқори даражада эканини кўриш инсонга мамнуният бағишлайди – бу, шубҳасиз, анъанавий исломнинг сақланиши ва ривожланишига хизмат қилади.

Россия мусулмонлари диний жамоаси узоқ йиллар давомида Ўзбекистон мусулмонлари идораси билан анъанавий ислом, таълим, маънавият ва маданиятлараро мулоқотнинг асосларини мустаҳкамлаш, шу жумладан Сизнинг ажойиб мамлакатингиз табаррук қадамжолари бўйича зиёрат туризмни ривожлантириш соҳасида яқиндан ҳамкорлик қилишади. Биз чин дилдан мамлакатларимиз инсонлари ўртасидаги дўстона муносабатларни қадрлаймиз.

Ушбу кунда қувонч ҳисларини Сизга бўлишган ҳолда, узоқ ва самарали ҳаёт давомида сиҳҳат-саломатлик, қарорларни қабул қилишда донолик, шунингдек дин ва жамоат хизмати йўлида янада муваффақиятларни дуо ила тилаб қоламиз.
Аллоҳ таоло имонингиз мустаҳкамлигини сақласин, икки дунё саодатини ато этсин, эзгу ишлар ажрини берсин ва У Зотнинг севимли Элчиси Пайғамбаримиз Муҳаммад соллаллоҳу алайҳи ва салламнинг бебаҳо меросини муносиб сақлаш ва кўпайтиришга ёрдамлашсин.

Ҳурмат ва эзгу дуолар билан,

Альбир ҳазрат КРГАНОВ,
Москва муфтийси, Россия мусулмонлари диний жамоасининг раҳбари, Россия Федерацияси Жамоатчилик палатаси аъзоси

ЎМИ матбуот хизмати

Ўзбекистон мусулмонлари идораси
фатво ҳайъати. @diniysavollar

Аллоҳга шукрки, мамлакатимиз тарақққиётининг янги даврида масжидлар очиш, жомеларни қайта бунёд этиш ва мавжудларини гўзал ҳолатга келтириш борасида жуда катта ишлар қилинмоқда.

Ана шундай ишларнинг узвий давоми сифатида Қашқадарё вилояти Қамаши тумани «Қишлиқ» ҳамда Косон тумани «Бешгумбаз» жоме масжидлари давлат рўйхатидан ўтказилиб, иш фаолиятини бошлади.

Маълумот учун, Қашқадарё вилоятидаги масжидлар сони 184 тага етди.

Ўзбекистон мусулмонлари идораси Матбуот хизмати

Ўзбекистон Республикаси Президентининг Қашқадарё ва Бухоро вилоятларига ташрифлари мобайнида ўтказилган йиғилиш баёнининг 5-бандида белгиланган вазифалар ижроси юзасидан Қашқадарё вилоятида фаолият юритаётган диний соҳа ходимларини "Абу Муин Насафий" мужмуасига ташрифи бўйича режа ишлаб чиқилиб, мазкур режа асосида Қарши шаҳар, Миришкор, Косон, Қарши туманидаги жоме масжид имом-хатиблари ва Қарши туманида фаолият кўрсатиб келаётган отинойилар Қарши тумани, Қовчин қишлоғида жойлашган калом илмининг машҳур алломаси, мутафаккир улуғ бобокалонимиз Абу Муин Насафий ҳазратларининг мақбараларини зиёрат қилиб, Қуръон тиловати ҳамда дуои хайрлар қилишди ва руҳларига бағишланди.
Шунингдек, зиёрат асносида имом-хатиблар ва отинойилар "Абу Муин Насафий" мужмуасидаги музей, кутубхона билан яқиндан танишдилар.

ЎМИ Қашқадарё вилоят вакиллиги
Матбуот хизмати