Расулуллоҳ саллоллоҳу алайҳи васаллам ҳадисларининг бирида: “Бутун ер юзи мен учун ибодат маскани ва покланиш воситаси бўлиб яратилган ва менинг жамоатимдан ҳар қандай одам намоз топган жойда ибодат қилиши мумкин" (Имом Бухорий ва Имом Муслим ривояти).
Яқинда ўтказилган бир тадқиқотда олимлар тупроқда энг қийин бактериялар турларини тозалайдиган ва йўқ қиладиган антибиотиклар мавжудлигини аниқлади. Бу эса ўз навбатида ерни дезинфекцияловчи эканлигини исботламоқда.
Ушбу тадқиқот доирасида олимлар ердан фойдаланиб, осон бўлмаган бактериялар турларини йўқ қиладиган восита яратишга ҳаракат қилишди. Лабораториядаги синовлардан сўнг улар 24 соат ичида ер бутун бир бактериялар оиласини йўқ қилишга қодир эканлиги ва Ердан фойдаланмаган синовларда бактериялар оиласининг 45 баробарга кўпайганини аниқлашди.
Натижада олимлар Ерда антибиотиклар мавжудлигини аниқлади, уларсиз сайёрамиздаги ҳаёт инсон танасига кириб, ўлимга олиб келиши мумкин бўлган вирус ва бактериялар туфайли мавжуд бўлмайди. Бироқ Яратган Парвардигормизнинг инояти билан ҳаётимиз давом этишини таъминлаш учун табиатда покланиш хусусиятини ўрнатди. Бу яхшилик учун фақат Қодир Аллоҳга чексиз ҳамд билдиришимиз даркор.
ЎМИ Халқаро алоқалар бўлими
Давлатимиз Раҳбари томонидан жорий йил 16 февраль куни имзоланган “Муборак Рамазон ойини муносиб тарзда ўтказиш тўғрисида” ги қарори ушбу ойни халқимизга хос инсонпарварлик, эзгулик ва меҳр-оқибат сингари анъана ва қадриятларга содиқ ҳолда ўтказишда асосий омил бўлмоқда.
Қутлуғ ойнинг аввалида Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бошчилигида соҳа ходимлари томонидан юртимизнинг барча ҳудудидаги энг оғир маҳаллалардаги кам таъминланган оилалар учун ифторликлар ташкил этилиб, кўнгли ўксик кишилар оғирини енгил қилиш ва кўнгилларини шод этиш ишлари бошлаб юборилди.
Жорий йилнинг 22 февраль куни Диний идора раиси ўринбосари Зайниддин домла Эшонқулов ҳамда Учтепа тумани "Ҳазрат Али" масжиди имомлари билан биргаликда Давлатобод маҳалласида истиқомат қилувчи Ҳусан ака Алимов хонадонда бўлдилар. Ҳовли кичик бўлишига қарамй 4 та оила аҳилликда, Яратганга шукроналикда умр кечирмоқдалар. Ташриф чоғида ушбу хонадон аҳилларига рўзғор ашёлари ва озиқ-овқат маҳсулотлари ҳадя қилинди. Шундан сўнг хонадон эгалари билан биргаликда ифторлик дастурхонида маърифий-ҳаётий суҳбат қилинди. Якунда Юртимиз ва юртдошларимизнинг ҳаққига хайрли дуолар қилинди.
Бундай хайрия тадбирлари мамлакатимиз бўйлаб давом этмоқда.
Ўзбекистон мусулмонлари идораси
Матбуот хизмати