Мамлакатимизда фаолият олиб бораётган диний соҳа ходимларининг илмий-маърифий салоҳиятини ошириш режасига мувофиқ, Фарғона вилоятининг Қува, Тошлоқ, Риштон ва Фурқат туманлари имом-хатиблари Тошкент шаҳридаги Ўзбекистондаги Ислом цивилизацияси марказига боришди. 
 

Ташриф давомида имом-хатиблар марказнинг бой экспозициялари, Қуръони карим зали, нодир қўлёзмалар ҳамда буюк аждодларимизнинг илмий меросига бағишланган бўлимлар билан яқиндан танишдилар. Айниқса, замонавий мультимедиа лойиҳалари ва тарихий экспонатлар диний соҳа вакилларида чуқур таассурот қолдирди.

Диний соҳа ходимлари марказда амалга оширилаётган кенг кўламли ишлар юртимизда маърифий ислом ғояларини тарғиб қилиш ҳамда ёш авлодни миллий-диний қадриятларга ҳурмат руҳида тарбиялашда муҳим аҳамият касб этишини таъкидладилар.

Белгиланган режага асосан, Фарғона вилоятининг бошқа шаҳар ва туманларида фаолият юритаётган имом-хатибларнинг ҳам марказга ташрифлари босқичма-босқич давом эттирилади. 

Фарғона вилояти вакиллиги
Матбуот хизмати