27 Январ, 2026, 8 Шаъбон, 1447
27 Январ, 2026, 8 Шаъбон, 1447
Шу йил 28-29 июнь кунлари Қуръони каримни ёддан тиловат қилиб бериш бўйича Қирғизистоннинг Бишкек шаҳрида ўтказилган II Халқаро Қуръони карим мусобақасида Ўзбекистон вакили сифатида Тошкент шаҳридаги “Кўкалдош” ўрта махсус ислом билим юрти 3-курс талабаси Билол қори Юсуфжонов қатнашди.
Мазкур мусобақада Россия Федерацияси, Чеченистон, Ингушия, Татаристон, Бошқирдистон, Доғистон, Якутия Республикалари, шунингдек, Қозоғистон, Ўзбекистон, Қирғизистон, Шриланка, Покистон ва бошқа давлатлар қориларидан иборат 16 нафар вакил иштирок этди.
Мусобақада иштирокчи қориларнинг чиқишини Қатар, Ливия, Миср Араб Республикаси, Туркия ва Қирғизистон Республикаси мутахассисларидан иборат бўлган ҳакамлар ҳайъати аъзолари баҳолаб боришди.
Якуний натижага кўра, 1-ўрин Шриланка, 2-ўрин Доғистон, 3-ўрин Қирғизистон, 4-ўрин Покистон ва 5-ўрин Чеченистон Республикаси қориларига насиб этди. Шунингдек, вакилимизга ҳам ташаккурнома ёрлиғи топширилди.
Ғолибларга мукофотлар топширилди. Шунингдек, иштирокчи қорилар учун мусобақа ташкилотчилари томонидан Қирғизистондаги дам олиш зонаси ва диққатга сазовор жойларга зиёратлар уюштирилди.
Ўзбекистон мусулмонлари идораси Халқаро алоқалар бўлими
Мамлакатимизда соғлом турмуш тарзини тарғиб этиш, жисмоний тарбия ва спортни оммалаштиришга қаратилган ишлар доирасида Бухоро вилоятида имом-хатиб ва имом ноиблар ўртасида стол тенниси спорт тури бўйича вилоят босқичи мусобақаси бўлиб ўтди.
Мусобақа давомида иштирокчилар чаққонлик, эпчиллик ва спорт маҳоратини намоён этиб, соғлом рақобат муҳитини яратдилар. Тадбир диний соҳа ходимлари ўртасида жисмоний фаолликни ошириш, соғлом турмуш тарзини қарор топтириш ҳамда ўзаро дўстона муносабатларни мустаҳкамлашга хизмат қилди.
Бухоро вилоятида имом-хатиб ва имом ноиблар ўртасида ўтказилган стол тенниси мусобақасида иштирокчилар юқори спорт маҳорати, чаққонлик ва сабр-тоқатни намоён этдилар.
Мусобақа якунига кўра қуйидаги иштирокчилар ғолиб ва совриндор бўлдилар:
1-ўрин — Бобоқулов Садам, Пешку тумани “Хўжа Пешкў” масжиди имом-ноиби
2-ўрин — Нажмиддинов Асатилло, Бухоро шаҳри “Умар ибн Хаттоб” масжиди имом-хатиби
3-ўрин — Бозоров Ваҳобиддин, Пешку тумани “Чиқирчи” масжиди имом-хатиби
Ғолиб ва совриндорлар ташкилотчилар томонидан эсдалик совғалари билан тақдирланди.
Ўзбекистон мусулмонлари идораси
Бухоро вилояти вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 