Turkiya Respublikasi Prezidenti Adminstratsiyasi huzuridagi Diyonat ishlari boshqarmasi Doktor Ali Erbosh janoblari muftiy Nuriddin domla Holiqnazarov hazratlariga tabrik yo'lladi. Unda jumladan shunday deyiladi:
– O'zbekiston musulmonlari idorasi raisi, muftiy vazifasi Sizga topshirilganing xabarini cheksiz mamnuniyat ila eshitdim. Sizning bu muborak vazifaga kelishingizdan boshimiz ko'kka etdi.
Fursatdan foydalanib, o'zbekistonlik mo'min-musulmon qardoshlarimizga ko'rsatiladigan ruhiy-ma'naviy xizmatlarda Turkiya diyonat ishlari boshqarmasi sifatida doimo O'zbekiston musulmonlari idorasi bilan elkadosh ekanimizni, idoralarimiz o'rtasida ko'p yillik do'stona, samimiy, qardoshlikka xos aloqalarimizning yanada keng miqyosda davom etishiga bo'lgan ishonchimizni izhor etaman.
Sizni bunday muhim va sharafli maqomga saylanganingiz munosabati ila yana bir bor tabriklab, idoralarimiz o'rtasidagi aloqalarning kuchaytirilishi, diniy sohada birgalikda amalga oshirishimiz mumkin bo'lgan rejalar borasida fikr almashish hamda ikki tomonlama hamkorlikni muhokama qilish maqsadida, Siz va sizga hamrohlik etadigan delegatsiyani eng qisqa fursatda Turkiya davlatida kutib olishdan g'oyatda mamnun bo'lishimizni ma'lum qilaman.

Eng samimiy salom va hurmatlar ila.

Doktor Ali ERBOSh,
Turkiya Respublikasi Prezident Adminstratsiyasi huzuridagi
Diyonat ishlari boshqarmasi rahbari